schoolsthatrock
Wêreldkampioenskappe Atletiek – Hoërskool Montana se sporttrots spat behoorlik uit hul nate! Twee van Monties se leerders is gekies vir die Wêreldkampioenskappe Atletiek.
Hierdie twee steratlete wat Suid-Afrika internasionaal gaan verteenwoordig, is Johanné Lamprecht en Isabella Gunter. Die Wêreldatletiekkampioenskappe waaraan hulle gaan deelneem vind plaas van 17–26 Julie 2026 in Tokyo, Japan. Dit is ’n negedaagse fees van wêreldklas-atletiek waar meer as 2 000 atlete van sowat 200 lande meeding.
- Isabella Gunter is gekies vir die Senior SA 4 x 400m-aflosspan. Haar spoed, vasbyt en konstante topprestasies op die baan het haar ’n plek tussen die land se bestes besorg.
- Johanné Lamprecht gaan Suid-Afrika verteenwoordig in die gewigstoot. Haar krag, fokus en onwrikbare werksetiek het haar tot hierdie hoogtepunt in haar atletiekloopbaan gebring.
Die wêreldkampioenskappe bring die wêreld se topatlete bymekaar en bied ’n verhoog waar sport op sy hoogste vlak beoefen word. Om vir Suid-Afrika gekies te word, plaas Johanné en Isabella onder die land se elite. Dit is ’n prestasie wat hul harde werk en deursettingsvermoë bekroon.
Monties wens hul twee kampioene alle sterkte toe met hul voorbereiding en deelname. Julle dra nie net die groen en goud met trots nie, maar ook die waardes van karakter, vasbyt en uitnemendheid waarvoor Montana bekend staan.
Monties is ongelooflik trots op julle – gaan wys die wêreld wat julle kan doen!
Meer Skolenuus: https://schoolsthatrock.co.za/
Foto voorsien
Become a Sponsor
