schoolsthatrock
IFEST Internasionale Ekspo – Hoërskool Waterkloof se jong wetenskapsterre het onlangs die wêreld verower!
Marli Kloppers en Daleen Geyser, twee Graad 12-leerders, het gedurende die vakansie aan ‘n wetenskap-ekspo deelgeneem. Hulle het Suid-Afrika met trots by die IFEST Internasionale Ekspo in Tunisië verteenwoordig. Met meer as 1 500 inskrywings uit 46 lande was die kompetisie fel. Die Kloofdogters het egter uitgestaan en ’n silwermedalje huis toe gebring.
Die projek wat hulle na die IFEST Internasionale Ekspo geneem het, was Spectrum Speak. Hierdie projek is ’n baanbrekende toepassing wat ontwerp is om kinders met outisme te ondersteun. Hierdie innoverende idee het nie net die beoordelaars beïndruk nie, maar ook hoop en inspirasie gebring vir ’n gemeenskap wat dikwels ongesiens bly.
Baie geluk, Marli en Daleen! Julle het nie net Hoërskool Waterkloof se naam hoog gehou nie, maar ook ’n merkwaardige bydrae tot die wêreld van wetenskap en tegnologie gemaak.
Klofies is ongelooflik trots op julle!
Meer Skolenuus: https://schoolsthatrock.co.za/
Become a Sponsor
