schoolsthatrock
Veelsydigste sportspan in Oranje. Foto: Voor: Leandi, Carmond, Mieke; agter: Lizellé, Klara, Sistine, me. Rautenbach, Corli, Iske, Mila.
Oranje se o.14A-netbalspan bewys: Veelsydigheid is hul superkrag.
Hoër Meisieskool Oranje is trots om aan te kondig dat ons o.14A-netbalspan die naweek ’n indrukwekkende vierde plek behaal het tydens die Suid-Afrikaanse Netbalkampioenskappe. Hierdie prestasie is egter net die begin van ’n veel groter storie — dié span is tans een van die veelsydigste sportspanne in die skool se geskiedenis.
Onder die nege spanlede tel ons provinsiale atlete, akademiese toppresteerders, klasleiers, swemmers, tennisspelers, landlopers en selfs ’n toneelspeler. Hierdie jong vroue toon dat uitnemendheid nie beperk is tot een veld nie — hulle blink uit op verskeie terreine.
🌟 Individuele prestasies sluit in:
- Iske le Roux – Vrystaat-kampioen in diskus; lid van Vrystaat-atletiekspan
- Sistine van Pletzen – Kaptein van o.15B-tennisspan; klas-VRL (hoof)
- Carmond Ziegler – Vrystaat-kampioen in 100 m & 200 m
- Mila Barret – Top 10 akademies; klas-VRL (hoof); lid van OMS-toneelgroep
- Klara van Wyk – Vrystaat-kampioen in verspring, hekkies; lid van Vrystaat-atletiekspan
- Corli Marx – Top 10 akademies in albei kwartale
- Mieke du Preez – Klas-VRL (onderhoof)
- Leandi Prinsloo – 5 goue medaljes op SA Skole-swemkampioenskap; 3de by SA-tweekampkampioenskap; top 10 akademies; klas-VRL (hoof)
- Lizellé van der Westhuizen – Onderkaptein op Bokkieweek; Vrystaat se beste verdedigende speler
👑 Leierskap van jongs af
Drie spanlede was reeds hoofmeisies in hul laerskole:
- Mieke (Willem Postma)
- Iske (Nelsdrif)
- Mila (Oranje Primêr)
’n Afgeronde afrigter
Die span se afrigter, me. Ané Rautenbach, is self ’n toonbeeld van veelsydigheid. Sy dien nie net as netbalafrigter nie, maar ook as tenniskoördineerder. Op skool het sy provinsiale kleure in atletiek, netbal en tennis verwerf.
Hoër Meisieskool Oranje is trots op hierdie jong vroue wat bewys dat toewyding, balans en passie die sleutel is tot uitnemendheid. Ons sien uit na hul toekomstige prestasies — op en van die sportveld af.
Lees meer skolenuus hier: https://schoolsthatrock.co.za/
Foto verskaf
Sponsored By
