Rhino Rugby Streekweek. 🏉 Hoërskool Linden laat waai by Rhino Rugby Streekweek!

Hoërskool Linden het van 1 tot 5 Julie met trots en passie hul staal gewys tydens die jaarlikse Rhino Rugby Streekweek in Vanderbijlpark — en watter week was dit nie!

🌟 Spangees en oorwinnings:

Sentraal-Wes o.14: Met ’n indrukwekkende 11 Lindeniete in die span, het hulle die veld oorheers. Hulle het die Griffons Plattelandse Distrikte met ’n skitterende 23-0 in die finaal verslaan.
Sentraal-Wes o.15: ’n Spannende eindstryd het geëindig in ’n 5-5 gelykop. Die trofee is gedeel tussen die twee Sentraal-Wes spanne — met 8 Lindeniete wat hul merk gemaak het.
Sentraal-Wes o.17: Hierdie span, met 8 spelers van Linden, het hul plek as algehele wenners verseker met ’n naelbyt-oorwinning van 20-19 teen Sedibeng.
Sentraal-Wes o.19: Met 2 dapper Lindeniete in die span, het hulle dapper gestoei maar moes uiteindelik die knie buig teen Gauteng-Wes met ’n telling van 13-24 in die finaal.

🌍 Internasionale eerbewyse: Hoërskool Linden se harte bars van trots vir die vyf uitblinkers wat gekies is vir internasionale toere aan die einde van die jaar:

🇮🇹 o.18 Rhino-span na Italië: Ruan Erasmus en Jandré Pienaar
🇪🇸 Barbarians-span na Spanje: Keanu Thomas, Jordan Welle en Strauss van der Merwe

En asof dit nie genoeg is nie — Mnr. Andrew Todd is aangewys as afrigter van die Barbarians-span!

🎉 Baie geluk manne! Julle het nie net jul skool se naam hoog gehou nie, maar ook gewys wat ware spanwerk, deursettingsvermoë en trots beteken. Dit wil gedoen wees!