schoolsthatrock
Gauteng Kampioenskappe vir Akrobaat – Amicke Bands Verteenwoordig Hoërskool Eldograine op Nasionale Vlak!
Hoërskool Eldograine, Pretoria is vreeslik trots op een van hul eie sterre, Amicke Bands. Sy het met uitstaande flair en vasberadenheid uitgeblink by die onlangse Gauteng Kampioenskappe vir Akrobaat.
Amicke het in die “Elite Level” – die hoogste vlak bo vlak 10 – deelgeneem. Sy het met haar puik vertoning ‘n bronsmedalje ingepalm deur derde plek te behaal. Hierdie kategorie is uitsluitlik vir die mees gevorderde en ervare deelnemers, en dit maak haar prestasie nóg meer merkwaardig!
Danksy harde werk en vasberadenheid het Amicke haar Gauteng kleure verwerf. Sy kwalifiseer vir die Suid-Afrikaanse Kampioenskappe, waar sy haar talent teen die land se beste akrobate gaan meet.
Die hele Eldo-familie is ongelooflik trots op jou, Amicke! Jou toewyding en sportmanskap is ’n inspirasie vir almal. Sterkte met die voorbereiding vir die SA’s.
Hoërskool Eldograine hou duimvas en weet jy gaan dit laat gons!
Meer skolenuus: https://schoolsthatrock.co.za/
Foto voorsien
Become a Sponsor
