schoolsthatrock
Vrystaat Netbalkampioenskap. Primêre Meisieskool Oranje blink uit!
Op Vrydag, 13 Junie, het die o.13-netbalspan van Primêre Meisieskool Oranje deelgeneem aan die opwindende Vrystaat Netbalkampioenskap. Dit is aangebied by Onze Rust in Bloemfontein. Met vasberadenheid, spanwerk en passie het die Oranje-span ’n indrukwekkende 2de plek behaal en welverdiend hul silwer medaljes ingepalm.
Hierdie talentvolle span het die geleentheid gehad om kragte te meet met die top skole van regoor die Vrystaat — almal streekwenners in hulle eie reg. OMS het elke wedstryd met krag en styl aangepak, en die uitslae spreek vanself:
- OMS wen Dagbreek 19–8
- OMS wen Vaalpark 15–1
- OMS wen Primêre Skool Fichardtpark 19–10
- OMS wen teen Truida Kestell 23–11
Semi-finaal: OMS wen Koppie Alleen 20–5
Finaal: In ’n bloedstollende eindstryd moes OMS met net één punt die knie buig teen Primêre Skool Universitas, eindtelling 12–13.
Primêre Meisieskool Oranje is ongelooflik trots op hierdie merkwaardige dogters, hul toegewyde afrigters en dinamiese spanbestuurders. “’n Spesiale woord van dank aan elke ouer en ondersteuner wat langs die kantlyn die span met entoesiasme en liefde aangemoedig het — julle is deel van hierdie prestasie!”
Lees meer skolenuus hier: https://schoolsthatrock.co.za/
Foto’s verskaf
Sponsored By
