Die Ligbron Akademie vir Tegnologie in Ermelo se eerste seuns hokkiespan het op Donderdag, 19 April 2018, in hul tweede ligawedstryd teen Highveld Park van Secunda te staan gekom. Die wedstryd het op die Liggies se Astro Hokkiebaan plaasgevind. Dit was ‘n baie spannende wedstryd met beide spanne wat teen halftyd steeds geen doele aangeteken het nie. Tydens die tweede helfte het albei spanne daarin geslaag om een doel aan te teken en het die naelbytwedstryd, op 1 doel elk geëndig. Die eerstespan, o/14A en o/16A seuns hokkiespanne sal op Dinsdag, 24 April 2018 tuis teen Hoërskool Secunda te staan kom, terwyl die o/16B-span tuis teen Hoërskool Oosterland sal speel.
Foto bo: Janu Prinsloo