schoolsthatrockWOW Spelfees. Op Dinsdag, 22 Augustus, het veertien spellers van Hoërskool Ermelo by HTS Middelburg aan die provinsiale uitdunne van die jaarlikse WOW – Spelfees (Woorde Open Wêrelde) deelgeneem.
Die kompetisie strek van graad 1 tot graad 10 en bestaan uit twee rondtes: babbel (hardop spel) en krabbel (skriftelik). Elke graad ontvang ‘n spellys met 1000 woorde wat ingestudeer moet word.
Die leerders het hul uitstekend van hul taak gekwyt en as volg presteer:
- Graad 8: Johandi Bezuidenhout eindig gesamentlik vyfde (reserwe)
- Graad 9: Mia van Deventer behaal ‘n mooi vierde plek (reserwe)
- Graad 10: Tharina Viljoen eindig tweede, Esmari Kloppers vierde (reserwe) en Maret Maritz vyfde (reserwe)
Hartlik geluk aan Tharina Viljoen wat kwalifiseer om op Saterdag 7 Oktober by die Universiteit van Stellenbosch aan die nasionale finaal deel te neem.
Meer skolenuus: https://https://schoolsthatrock.co.za
Foto verskaf
Become a Sponsor
