schoolsthatrock
Wêreld Veldwagtersdag. Hoërskool Nelspruit se Junior Ereveldwagters: Natuurbewaarders van Vandag én Môre. Foto, voor: Janco Spies, Danica Erasmus, Jani Nel en (agter) Juffrou Linda Spasimante, Vanesh-Mari Espag, Amoché Ebersöhn, Mikhail van Tonder en Juandré van der Merwe.
Ter viering van Wêreld Veldwagtersdag bring Hoërskool Nelspruit hul junior ereveldwagters hulde. Hierdie is ’n groep toegewyde jong individue wat ’n merkwaardige verskil in ons natuurlike omgewing maak.
As deel van die skool se Natgeorisme-vereniging, kry leerders die unieke geleentheid om opgelei te word as junior ereveldwagters. Ná die voltooiing van ’n intensiewe kursus, word hulle amptelik aangewys as ereveldwagters. Dit is egter slegs die begin van hul toewyding. Hierdie leerders werk aktief en met ywer in die natuur. Hulle neem deel aan instandhoudingsprojekte, ekologiese bewaring en help om gemeenskappe bewus te maak van die belangrikheid van omgewingsvriendelike praktyke.
🌿 Sommige van hierdie inspirerende jongmense gaan selfs voort om voltyds in natuurbewaring betrokke te raak. Dit is ’n bewys van die kragtige impak wat vroeë betrokkenheid kan hê.
Met opregte waardering sê Hoërskool Nelspruit vandag dankie aan die leerders wat hul tyd, energie en passie aanbied om Moeder Natuur te dien. Julle is die ware kampvegters vir ’n gesonder, groener toekoms.
👏Nellies se Ereveldwagters van 2025: Janco Spies, Danica Erasmus, Jani Nel, Juffrou Linda Spasimante, Vanesh-Mari Espag, Amoché Ebersöhn, Mikhail van Tonder en Juandré van der Merwe—ons eer julle vandag!
Lees meer skolenuus hier: https://schoolsthatrock.co.za/
Foto’s verskaf
Become a Sponsor
