schoolsthatrock
Waterkloof Netbaltoernooi. Bethlehem Voortrekker Hoërskool skitter op die baan.
BVHS se netbalspanne het die eerste twee dae van die Waterkloof Netbaltoernooi met uitstaande spel en ware spanpoging die skool se naam hoog gehou. Elke ouderdomsgroep het met trots en vasberadenheid die uitdagings aangepak en indrukwekkende oorwinnings behaal.
🌟 Hoogtepunte per span:
- O.14: Sterk oorwinnings teen Centurion (24-11), Prestige (36-5), Hartebeespoort (24-10), Fatima (21-11) en Ferrum (22-11).
- O.15: ’n Reeks dominante vertonings met groot seges by die Waterkloof Netbaltoernooi. BVHS spanne uitstaande. Wen Reitz (30-3), Pepps (24-1), Bergvlam (15-4), Piet Potgieter (21-7), Reddum (27-2), en ’n noue wedstryd teen Eldoraigne (8-9).
- O.16: Harde wedstryde met oorwinnings teen Jeugland (12-9) en Eldoraigne (13-10), en sterk spel teen Garsfontein, Bergsig en Klerksdorp.
- O.17: ’n Reeks indrukwekkende seges. Teen Kempton Park (35-9), Bergvlam (25-4), Bergsig (19-10), Jeugland (14-7) en Wagpos (21-2), met ’n dapper stryd teen Garsfontein (13-26).
- O.19: Die senior span het hul ervaring bewys. Hulle wen teen Klerksdorp (22-10), Lichtenburg (29-7), Jeugland (22-14), Ashton (26-24), Piet Retief (22-12) en Hoogenhout (30-6).
Die toernooi is nie net ’n geleentheid om talent te wys nie. Hulle bewys ook om spanwerk, deursettingsvermoë en sportmanskap te vier. BVHS se dogters het bewys dat hulle met moed en vasberadenheid kan kompeteer teen van die sterkste skole in die land.
Baie sterkte aan al die spanne vir die res van die toernooi. Julle het reeds gewys dat BVHS ’n krag is om mee rekening te hou. Die gemeenskap staan agter julle en vier elke doel wat julle behaal!
Lees meer skolenuus hier: https://schoolsthatrock.co.za/
Foto’s verskaf
Sponsored By
