schoolsthatrock
Vrystaat Swemkampioenskappe. 🏆 Grey Kollege Primêr vier ’n kampioen!
Liam Jonker, ’n trotse Graad 4-leerder van Grey Kollege Primêr, het sy naam met glans geskryf by die Vrystaat Swemkampioenskappe. Die kampioenskappe het van 3–7 Desember in Bloemfontein plaasgevind.
Met ongelooflike vasberadenheid en talent het Liam 10 medaljes verower – 4 goud en 6 silwer. Boonop het hy die Vrystaatrekord in die 100m Vryslag gebreek.
As kersie op die koek is hy bekroon met die gesogte Victor Ludorum-toekenning vir die beste o.10 swemmer – ’n bewys van sy uitstaande prestasie en sportmanskap.
Grey Kollege Primêr is uiters trots op Liam se harde werk, toewyding en die manier waarop hy die skool se naam met eer uitdra. 🌊
Lees meer skitterende skolenuus hier: https://schoolsthatrock.co.za/
https://greycollegeprimary.com/
Foto verskaf
Sponsored By
