schoolsthatrock
Top Sportprestasies. Midstream College spog met sportprestasies van wêreldgehalte.
Midstream College, Gauteng, het die afgelope seisoen ’n indrukwekkende reeks top sportprestasies behaal. Dit het die skool se naam landwyd laat weerklink. Van atletiek tot muurbal, die jong sportsterre het hul talente op die hoogste vlak bewys.
Atletiek en Swem
By die A-bond Interhoër het die atletiekspan ’n algehele vierde plek behaal. Die swemspan het die kroon gespan en spog met oorwinnings in 2024 én 2025. Die skool lewer boonop twee nasionale swemmers, Lanca Cromhout en Adrian van Wyk op en 15 provinsiale swemmers wat hul provinsies met trots verteenwoordig.
Rugby en Netbal
Die rugby-eerste span het hul stempel afgedruk met Noordvaal-titels in 2022, 2023 en 2025, en is nou gepromoveer na Afdeling 1. Netbal het ook sterk vertoon: Midstream is die Jubilee-ligawenners, met drie spanne wat deurdring tot die Tshwane semi-finale.
Hokkie en Krieket
Meisies-hokkie het vier spanne in die Noordvaal A-reeks geplaas, met die 16A-span wat as kampioen uitblink. Krieket het drie provinsiale spelers opgelewer, die Finsbury-reeks-afdeling gewen, en die 14A-span wat hul liga beklink het.
Sagtebal en Bergfiets
Sagtebal het vier A-spanne in die finaal gehad, met vier provinsiale spelers en die 15A-span wat hul liga gewen het. Met bergfiets het Midstream se meisies as nasionale naaswenners geëindig. Nika Nortjé het die SA-kampioenstitel (o.16) verower.
Muurbal
Die meisiespan het as nasionale naaswenners geëindig, terwyl Elzandri Janse van Rensburg die SA-kampioen (o.17)-titel huis toe gebring het.
🎖️ Midstream College bevestig met hierdie prestasies hul status as een van die voorste sportskole in Gauteng – ’n plek waar talent floreer en kampioene gebore word.
Lees meer opwindende skolenuus hier: https://schoolsthatrock.co.za/ https://www.midstreamcollege.co.za/
Foto’s verskaf
Become a Sponsor
