schoolsthatrock
Tennisfenomeen Mia de Wet – Die gange van Bergsig Akademie en die strate van Rustenburg bruis van trots. Dit gaan alles oor ’n 14-jarige tennisfenomeen, Mia de Wet, met ’n tennisraket en ’n droom. Sy het onlangs aan die gesogte Interprovinsiale Skole-tennistoernooi (IPT) deelgeneem in Pretoria. Sy het Noordwes-kleure met flair en vasberadenheid verdedig tydens die toernooi.
Wat haar prestasie só besonders maak, is dat Mia, op net 14, reeds as die nommer 1 o.15-dogterspeler in Noordwes gekroon is. Sy het met koelkop vasberadenheid en vonkelende spel haar plek tussen ouer, meer ervare opponente verdien. Elke hou op die baan het gewys, hier is ’n kampioen wat nie terugdeins nie.
Maar Mia kyk verder as net vandag se oorwinnings. Haar blik is vas op 2027, waar sy haar oog gevestig het op ’n plek in die Suid-Afrikaanse nasionale span. En as daardie droom waar word, wag daar vir haar ’n internasionale avontuur, ’n toer na óf die VSA óf Engeland.
Die gemeenskap weet, hierdie naam gaan nog groot geskryf word. Mia De Wet is besig om haar vlerke te sprei, en die wêreld van tennis gaan haar nie kan ignoreer nie.
Hierdie Arend vlieg hóóg, en sy gaan nie gou land nie!
Mooi so, Mia – jy inspireer almal om jou!
Meer skolenuus: https://schoolsthatrock.co.za
https://www.bergsigacademy.net/
Foto voorsien
Become a Sponsor
