schoolsthatrock
Teksmark 2024. Teksmark is ‘n KKNK-projek, in samewerking met NATi, die Universiteit van Johannesburg, ATKV en die Vrystaat Kunstefees. Die doel van die projek, Teksmark 2024, is om nuwe Suid-Afrikaanse dramatekste te ontdek en te ontwikkel. Tydens die proses kry dramaturge die geleentheid om hulle tekste aan belanghebbendes in die teaterindustrie voor te lê vir moontlike verdere ontwikkeling.
Verteenwoordigers van teaters en kunstefeeste, vervaardigers en ander beleggers word genooi om Teksmark by te woon. Die dramaturge lê hulle tekste voor, bespreek dit en kan onderhandel met moontlike belangstellendes wat die tekste wil ontwikkel en gebruik.
Vier nuwe tekste word Donderdag 24 Oktober vanaf 14:00 tydens die tweede sessie van Teksmark Joburg as leesteater by die Keorapetse William Kgotsitsile Teater op die Kingsway Kampus van die Universiteit van Johannesburg aangebied.
Ethan Bester, graad 11 leerder van Hoërskool Randburg, se teks “Eendag” is een van die 4 tekste. Dit blyk dat Ethan die enigste leerder in die uitgelese geselskap is.
Meer skolenuus: https://schoolsthatrock.co.za/
Foto verskaf
Sponsored By
