schoolsthatrockTBM-krieketliga. Hoërskool Witteberg se 1ste dogterskrieketspan het met die louere weggestap by die finaal van die dogters se TBM-krieketliga. Die finaal het op Donderdag, 17 Februarie, plaasbevind. Witteberg het kragte gemeet teen Hoërskool Paul Erasmus van Senekal.
Nadat Senekal die loting gewen en Witteberg ingestuur het om te kolf in die TBM-krieketliga finaal, het dit behoorlik lopies gereën. Leozé Lottering het vir die derde keer in vier wedstryde haar halfeeu met die kolf aangeteken met 58 lopies van 49 balle. Sy is goed bygestaan deur Ivé van der Westhuizen. Hulle het ‘n 78-lopie vennootskap op die telbord geplaas. Witteberg teken 143 lopies in die gegewe 20 beurte aan.
Met die bal het die Wittebergers verwoesting gesaai en vinnige werk van paaltjies neem gemaak. Senekal het 52 lopies in 14 beurte aangeteken toe die laaste paaltjie kantel.
Met die bal het Evané du Toit drie paaltjies geneem en slegs 15 lopies afgestaan in vier beurte. Elry Flores neem ook twee paaltjies in drie beurte. Ziané Lottering neem drie paaltjies in vier beurte. Die speler van die dag, wat met die kolf en die bal uitgeblink het, was Leozé Lottering. Sy neem twee paaltjies in vier beurte en staan slegs sewe lopies af.
Witteberg wen dus die wedstryd met 91 lopies en word gekroon as die TBM ligawenners vir 2022.
Foto verskaf
Meer skolenuus: https://schoolsthatrock.co.za
Become a Sponsor
