Synerge Cup Interprovinsiale Tennistoernooi – Hoërskool Strand se tennisspelers het weer hul vlerke wyd gesprei! Arende is ongelooflik trots op Isabelle Strauss (nr. 3) en Aerin Rosant (nr. 6). Hulle het hul skool en die WP Provinsie met trots verteenwoordig tydens die Synerge Cup Interprovinsiale Tennistoernooi. Dit het plaasgevind in die eerste naweek van Maart.

In ’n toernooi vol kragmetings en fyn spelpatrone het Isabelle en Aerin die toernooi as WP-tennisspelers aangepak. Hulle het die stryd aangepak teen die sterk Kavaliers en die Noord-Kaap A- en B-spanne. Ná intense wedstryde en ware sportmanskap het WP se spelers ’n puik derde plek behaal.

Welgedaan, Arende! Tennis is ’n uiters kompeterende sport, en julle prestasie verdien regtig ’n staande applous. Julle het nie net die bal geslaan nie. Julle het harte ook gewen. Arende is trots op julle!