schoolsthatrock
Royal Academy of Dance – Bethlehem Voortrekker Hoërskool is ongelooflik trots op twee van hul leerders. Die talentvolle dansers, Francis en Elianke, het op 23 Maart hul Intermediate Foundation eksamen afgelê. Dit is ‘n eksamen van die wêreldbekende Royal Academy of Dance (RAD).
Die Royal Academy of Dance is ’n internasionale instelling wat al dekades lank die hoogste standaarde in balletopleiding en -eksamens handhaaf. Om hier te presteer, beteken dat ’n danser nie net tegnies vaardig is nie, maar ook toewyding, dissipline en ’n ware liefde vir die kuns van dans toon.
Francis het met Hoë Meriete (Silwer) geslaag. Dit is ’n bewys van haar harde werk en elegante uitvoering. Elianke het met onderskeiding (Goud) geslaag. Dis ’n uitsonderlike prestasie wat haar talent en passie vir ballet onderstreep.
Hierdie uitslae is nie net ’n persoonlike oorwinning vir die twee dansers nie, maar ook ’n inspirasie vir hul medeleerlinge en die hele Voortrekker-gemeenskap. Hulle wys dat deur volharding en liefde vir die kuns, drome werklik kan uitkom.
Trekkers vier saam met julle en sien uit na die volgende tree op julle dansreis.
Baie geluk, Francis en Elianke – julle laat Voortrekker se naam hoog skyn!
Meer Skolenuus: https://schoolsthatrock.co.za/
https://www.voortrekker.co.za/
Foto’s voorsien
Become a Sponsor
