schoolsthatrock
Rapportryers Bybelvasvra. Gereformeerde Skool Dirk Postma, Pretoria, maak skoonskip by Rapportryers se Bybelvasvra.
Gereformeerde Hoërskool Dirk Postma het vanjaar drie spanne onder leiding van mev Lientjie Drijfhout vir die Rapportryers Bybelvasvra ingeskryf – ‘n nasionale projek wat reeds 46 jaar aangebied word.
Die kompetisie moedig leerders aan om Bybelgedeeltes te bestudeer en te memoriseer, wat Bybelkennis, Godsvertroue, samewerking en selfdissipline bevorder. Enige Afrikaanssprekende laer- en hoërskoolleerder kan deelneem.
Na maande se voorbereiding het twee van Dirk Postma se spanne deurgedring na die finaal by die FAK se Udolpho-oord aan die Vaalrivier tydens die naweek van 25 Oktober. Die vraestelle toets die leerders se kennis op ‘n hoë vlak met meerkeusevrae, invulvrae, blokkiesraaisels en teksgedeeltes. Taalvaardigheid in Afrikaans is ook ‘n kernaspek van die kompetisie.
Dirk Postma se leerders het vanjaar die eerste en tweede plek in die Hoërskole-kategorie gewen. Die skool besef dat hierdie prestasie genade is, maar beklemtoon dat die grootste waarde in die reis self lê – die Bybelkennis wat elke deelnemer opdoen.
Prestasies behaal deur Dirk Postma se leerders:
Tweede plek: Tirsa Drijfhout, Melandi Bouwmeester, Wilhelm Goodey, Ettienne van Alten.
Eerste plek: Henro van der Linden, George Mnisi, Jannes Enslin, Wian Boersema.
Lees meer interessante skolenuus hier: https://schoolsthatrock.co.za/
Foto’s verskaf
Become a Sponsor
