schoolsthatrockOranje Netbal. Die o.15A-netbalspan van Hoër Maisieskool Oranje, Bloemfontein, het Saterdag van Cara Smith afskeid geneem. Cara het haar laaste wedstryd vir Oranje gespeel. Dié hulpverdediger gaan haar skoolloopbaan in Italië voortsit waar haar pa, Franco, rugby afrig. Haar ma, Tania, was vroeër ‘n afrigter by Oranje en het in 1996 die 1ste span tot stadaligawenners gebrei.
Ses van Saterdag se agttal was twee jaar gelede lede van Oranje Primêr se o.13-span wat derde op die SA’s geëindig het. Cara speel sedert 2017 saam met Amy Fröhlich, Mari Nortjé, Anja le Grange en Carlé Stockenström in dieselfde span.
Sterkte in Italië, Cara.
