schoolsthatrock
Matriekuitslae Klas van 2025. LIEFDE • RESPEK • VERANTWOORDELIKHEID • TROTS
Met groot trots en dankbaarheid deel HTS Drostdy, Worcester, die uitsonderlike prestasies van die klas van 2025 in die Nasionale Senior Sertifikaat-eksamen. Hierdie groep merkwaardige jong volwassenes het nie net akademiese uitnemendheid bereik nie. Hulle het ook die waardes beliggaam wat die skool koester.
Die skool wil graag vir Benjamin Krieger en Anzél Jordaan uitlig as die toppresteerders. Hulle het ’n indrukwekkende 92,57% behaal. Daarmee het hulle die eerste posisie gedeel. Julle toewyding, deursettingsvermoë en leierskap is ’n inspirasie vir almal.
Die klas van 2025 het ’n slaagsyfer van 97,1% behaal, met 19 A-gemiddeldes en 92,8% van die leerders wat reeds vir tersiêre studies geplaas is. Hierdie statistieke weerspieël nie net akademiese sukses nie, maar ook die harde werk, ondersteuning en geloof in hul eie potensiaal.
“Aan elke leerder: ons eer julle vir die pad wat julle gestap het. Mag die kennis, vaardighede en waardes wat julle by Drostdy verwerf het, julle toerus om verantwoordelike, medelydende en suksesvolle landsburgers van Suid-Afrika te wees. Gaan bou aan ’n toekoms vol betekenis – ons glo in julle!”
Lees meer skolenuus hier: https://schoolsthatrock.co.za/
Foto’s verskaf
Become a Sponsor
