Hoofseuns 2023. In ons reeks oor skole se hoofleiers vir volgende jaar, gesels Schools That Rock met Zandré Conradie. Zandré, Hoofseun van Hoër Landbouskool Oakdale vir 2023, vertel ons meer van homself en sy leierskap.
“Ek is Zandré Conradie en ek kom oorspronklik van die Langkloof af. Ons bly tans in Brandwacht, net buite Hartenbos. Ek is vreeslik lief vir die natuur en hou baie van krieket. Ek sal sê ek is ‘n leier wat geanker is in geloof en is nie bang om op te staan vir dit wat verkeerd is nie.
My persoonlike doelwitte vir 2023 is om die jaar te geniet en om altyd my beste te gee. My doelwitte vir Oakdale tydens my dienstermyn, is om die skool op te bou. Sodat almal rondom ons kan sien, dat Oakdale is nie net ‘n normale skool nie. Ons is uniek!
Die grootste uitdagings wat ek ervaar het as leerder van my skool, was seker om van die huis af te gaan na ‘n koshuis.
Dít wat vir my, as hoofseun van 2023, die meeste by Oakdale uitstaan, is die eenvormigheid en die broederskap tussen mekaar. Ons is een groot familie op die plaas.
Inspirasie en mentorskap
Van kleintyd af het ek op gekyk na my pa vir inspirasie en mentorskap. Ek wou nog altyd in sy voetspore loop.
As ek ‘n kombuis-artikel moes wees, sou ek die suikerpot wees om die bitter lewe ‘n soet smaak te gee.
Ek dink my vriende sal my beskryf as ‘n persoon wie hulle kan vertrou en wat altyd dieselfde is.
Wat my motiveer om my ideale te bereik, is my strewe na die gevoel van trots en tevredeheid, nadat ek ‘n doelwit bereik het. Dis altyd ‘n lekker gevoel as jy iets bereik het waarvoor jy hard gewerk het.
Ek kan blaaie vol skryf oor die vraag waarom leerders na Hoër Landbouskool Oakdale moet kom. Maar die een ding wat regtig lekker is, is dat jy lewenslange broers bykry. Broers wat deur dik en dun by jou sal staan en jou nooit alleen los nie.
Ma’am De Jager
My gunsteling onderwyser is Ma’am De Jager. Sy het ‘n sagte persoonlikheid en ‘n omgee-hart. Jy kan na haar toe gaan met enig-iets en sy ontvang jou met ope arms. Sy het altyd ‘n glimlag op haar gesig en lag baie lekker.
My toekoms-ideale is om vir ‘n veearts studeer na skool. Ek wil ook die wêreld sien, plekke besoek en die lewe voluit lewe, sodat ek alles wat ek doen, suksesvol sal uitvoer.
Head Boys 2023. In our series on schools’ Head leaders for next year, Schools That Rock talks to Zandré Conradie. Zandré, Head Boy of Oakdale Agricultural High School for 2023, tells us more about himself and his leadership.
“I am Zandré Conradie and I am originally from the Langkloof. We currently live in Brandwacht, just outside Hartenbos. I love nature immensely and also cricket. I will say I am a leader anchored in faith and not afraid to stand up for what is wrong.
My personal goals for 2023 are to enjoy the year and to always give my best. My goal for Oakdale during my tenure is to build the school. So that everyone around us can see, that Oakdale is not just a normal school. We are unique!
The biggest challenges I experienced as a learner of my school was probably going from home to a boarding school.
What stands out most to me at Oakdale is the uniformity and the brotherhood between each other. We are one big family on the farm.
Inspiration and mentorship
From a young age, I looked up to my father for inspiration and mentorship. I’ve always wanted to walk in his footsteps.
If I had to be a kitchen item, I’d be the sugar pot to give the bitter life a sweet taste.
I think my friends would describe me as a person they can trust and who is always the same.
What motivates me to achieve my goals is my pursuit of the feeling of pride and contentment, having achieved a goal. It’s always a nice feeling when you’ve achieved something you’ve worked hard for.
I can write pages full on the question of why learners should come to Oakdale Agricultural High School. But the one thing that’s really nice is that you get lifelong brothers. Brothers who will stand by you through thick and thin and never leave you alone.
My favorite teacher is Ma’am De Jager. She has a gentle personality and a caring heart. You can go to her with anything and she receives you with open arms. She always has a smile on her face and laughs very well.
My future goals are to study for a veterinarian after school. I also want to see the world, visit places and live life to the fullest so that I will successfully carry out everything I do.
More School news: https://schoolsthatrock.co.za
Photo supplied