Hokkie kapteins. In ons reeks oor sport kapteins, gesels Schools That Rock vandag met Louis Cronje. Louis is die kaptein van Hoërskool Trio, Kroonstad, se 1ste seuns hokkiespan. Hy teken vandag die een-en-twintigste doel aan in ons reeks oor Hokkie Kapteins van hoërskole in Suid-Afrika.
“Ek het op die ouderdom van 9 begin om hokkie te speel. My talent as ‘n linkerhand hokkiespeler het my verlief gekry op die sport. Nadat die afrigter by die skool my ook aangemoedig het om aan te hou, het ek besluit om hokkie ernstig te vat.
My gunsteling professionele hokkiespeler is Cristpher Rühr. Hy is ‘n Duitser en speel vir Rot-Weiss Köln sowel as vir die Duitse nasionale span. Sy spel is baie in ooreenstemming met myne. Op die oomblik speel ek ‘Centre Midfielder’. In die verlede het ek ook al regter ‘Wing ‘en regter ‘link’ gespeel.
Ek is vir die eerste keer as kaptein verkies in 2018 toe ek in gr 7 (13 jaar) was. Op daardie stadium het ek het vir die 1ste span van die laerskool gespeel. Volgens my is die grootste taak van ‘n hokkie kaptein om saam in die storm die boot regop te hou. Hy is daar vir ondersteuning, met sagte en net die regte woorde om die span se groei en prestasie te bevorder. Die kaptein handaaf orde en maak seker dat almal in die span dieselfde einddoel en visie het.
Ons span oefen drie keer per week. Ek het nie my eie oefen-program nie, maar ek oefen gereeld oor naweke en af-dae.
Ek dink ‘n hokkie kaptein moet oor die bekwaamhede beskik om onder druk vinnig te kan dink. Hy moet saam met sy span kan werk en funksioneer. Hy moet ook oor uithouvermoë beskik.
Sleutel tot sukses
My sleutel tot sukses op die hokkieveld, is om jou ‘game’ te speel. Fokus op die ‘basics‘. Alhoewel ek goed kan ‘dribbel’, maak ek die besluit om dit eenvoudig en effektief te hou. Wees aggresief maar respekvol.
Dit wat my inspireer elke keer wanneer ek op die hokkieveld stap vir ‘n wedstryd, is die mense langs die veld. Ek probeer nie om mense te bevredig nie, maar omdat ek ‘n unieke speler is wat lings-om hokkie speel, dryf dit my voort om al die mense wat vir my frons en dink ek’s anders, te wys ek is nie pateties nie.
My lekkerste wedstryd was in 2017 met die Rising Star toernooi in Bloemfontein. Dit is een van die wedstryde wat konstant in my gedagtes opkom. Die rede is: op daai ouderdom het ons as jong kinders, die bal gevat en gepeel. Geen politiek of drama nie. Ek onthou my vriende wat saam met my was en hoe ons die een wedstryd so lekker saam gespeel het. Elke keer wanneer ek op die baan is, soek ek weer daardie konneksie en ‘paasse’ wat ons gemaak het. Die houding wat ons gehad het in die wedstryd was nie net om te wen en te wys nie. Ons het gespeel omdat ons dit geniet het.
Teleurstellende wedstryd
‘n Wedstryd wat ek nie wil onthou nie, was Augustus 2021, teen Hoërskool Witteberg van Bethlehem. Dit was een van die slegte wedstryde wat ek gespeel het.
Die les wat ek geleer het is dat, op hierdie vlak, die meeste spanne dieselfde is. Die wen hang af van die spelers se koppe. Jou eie kop en die span s’n. Dis nodig om rustig te wees voor die wedstryd, maar jy moet jouself oefen om in jou kop reg te wees vir die wedstryd. Selfs ook as dit nie reg is nie en jy sukkel, moet jy in die wedstryd jouself kan regruk en beter hokkie speel.
Hantering van druk
As hokkie kaptein hanteer ek druk tydens wedstryde sleg. Wat vir my werk, is om met die span te praat tydens die wedstryd. Ek motiveer hulle en herinner hulle om te fokus. Ek probeer ook self dan my kop vinnig uitsorteer om lekker verder te speel. Voor wedstryde sal ek op my foon wees en my aandag op ‘n speletjie of iets anders hou.
As hokkie kaptein motiveer ek my span sodat hulle lekker speel. Nie almal het jou idee of visie nie. Daarom moet ek vind wat hulle geniet op die baan en hulle daardeur motiveer. Die beste motivering is as jy nie ophou nie, voor vat en rustig met hulle werk en praat op die veld.
My huidige top 5 prioriteite in die lewe is: Christenskap, akademiese prestasies, leer om ‘n hokkie skeidsregter te word, ek wil my seilboot-vaardighede bemeester en boeke lees om kennis in te samel.
My raad aan beginners is om nie ‘n houding te kry nie. Tyd maak jou ook ‘n goeie speler.
Nabootsing
Ja ek kyk gereeld na hokkiewedstryde op TV. Dis die beste plek om te leer. Dit is goed om self na beter wedstryde te kyk en te sien wat mense doen en dit dan te vat en gaan toepas in jou eie spel.
Ek het nog nooit probeer om ‘n professionele speler na te boots nie. Ek voel as jy ander naboots, jou hoogste siening of opinie van jouself net so hoog kan wees soos daardie persoon. Sodoende neem jy langer om te groei.
My persoonlike doewitte wat ek wil bereik is om meer te leer van God. Geestelike groei. Sport-gewys is een van my doelwitte om landwyd bekend te wees as die linkerhand hokkiepspeler. My doelwit is om ‘n afrigter vir ‘n span te word.
Ek hanteer my verantwoordelikhede by hokkie saam met sosiale en akademiese verantwoordelikhede deur te probeer om ‘n dagboek te maak van my verskillende take en sluitingsdatums vir goed. Verder maak ek ook seker ek doen wat belangrik is eerste. Nie te veel georden nie, maar ek maak seker ek is bewus van alles wat ek moet doen.
Ja, ek beplan om met hokkie voort te gaan na skool. Ek wil graag afrigting doen.
Hoogtepunt
My grootste enkele hoogtepunt die afgelope vyf jaar was toe ek as hoofseun gekies is in 2018.
Ander belangstellings buiten hokkie, is muurbal. Dit is my tweede sport en ek hou baie daarvan. Ek het onlangs begin met ‘event planning’ en hoop om ‘n sukses daarvan te maak. Ek hou daarvan om te lees – veral avontuur en kennis.
My afrigter en spanmaats sal my beskryf as ‘n staatmaker en streng.
Bekwaamhede waaroor ek as goeie hokkie kaptein beskik, is dat ek ‘n leier-persoonlikheid het. My fisieke toestand is baie goed en my balvaardighede is ook baie goed.
Ja, ek het al voorstelle gemaak wat gewerk het. Ek het voorgestel om ‘n ‘defense’ spel toe te pas en dit het gely tot die wen van die toernooi.
Rolmodel
Nee, ek het geen rolmodelle in sport nie. Jy moet uit jou omstandighede maak wat jy kan, en nie na ander kyk nie.
Wat my die meeste opgewonde in die lewe maak is as ‘n doel bo die mate van ander mense bereik word en werk wat afgehandel word.
Ek sal graag wil koffie drink saam met Jamie Dwyer of Maddie Hinch.
As ek myself in een woord moet beskryf, sal dit wees: wenner.“
Meer skolenuus: https://schoolsthatrock.co.za
Foto verskaf