schoolsthatrockDie eerste netbalspan van die Hoër Meisieskool Oranje vir 2021 is van links Marita Oostuizen, Karla Victor, Roline Louw, Essie Pretorius, Eilir Lindeque, Janine Moolman, Magé Troskie, Mienke Delport, Lea Cronjé en Jazelle Strydom
Ná bykans ’n hele netbaljaar deur die Covid-19-pandemie in 2020 uitgewis is, sal die eerste netbalspan van Oranje swaar leun op sy twee mees ervare spanlede.
Die netbalseisoen begin Dinsdag met Oranje se aandreeks. Kaptein Janine Moolman en onderkaptein Eilir Lindeque speel albei in hulle derde jaar vir die eerstes. Essie Pretorius en Lea Cronjé het verlede jaar ’n proesel van o.19A-netbal ervaar, maar die ander ses spanlede is almal nuut op dié vlak. Die spanlede van tien bestaan uit vier matrieks (Janine, Eilir, Essie Pretorius en Magé Troskie), drie gr. 11’s (Marita Oostuizen, Lea Cronjé en Jazelle Strydom) en drie gr. 10’s (Mienke Delport, Roline Louw en Karla Victor).
Bykans al die spelers het die Vrystaat voorheen op hoërskoolvlak verteenwoordig. Janine het in 2019 vir die Suid-Afrikaanse o.16-span uitgedraf. Sy en Essie het van 2017 tot 2019 vir die Vrystaat gespeel. Roline, Mienke en Karla was twee jaar gelede lede van Oranje se o.14A-span wat tweede op die Suid-Afrikaanse kampioenskap geëindig het.
Oranje is die verdedigende Vrystaat-kampioen.
Foto verskaf
Become a Sponsor
