schoolsthatrock
Herdenkingsdag. 𝑯𝒆𝒓𝒅𝒆𝒏𝒌𝒊𝒏𝒈𝒔𝒅𝒂𝒈 𝒃𝒚 𝑽𝒐𝒍𝒌𝒔𝒌𝒐𝒐𝒍
Op Sondag, 9 November het die hoofleiers van Hoër Volkskool Graaff-Reinet, Hannes van der Merwe en Cara Nel, hul eerbied en waardering betoon aan die helde van ons land. Hulle het rooi papawerblomme gedra ter geleentheid van Herdenkingsdag. Hierdie dag, word jaarliks op 11 November herdenk. Dit is ’n huldeblyk aan die lede van die gewapende magte wat hul lewens gegee het in diens van vrede en vryheid — vanaf die Eerste Wêreldoorlog tot latere konflikte.
Die herdenkingsdiens is gehou by St James’ Anglican Church in Graaff-Reinet. Daar was ’n atmosfeer van stilte en betekenis die geleentheid gekenmerk het. Hierdie dag bly ’n belangrike herinnering aan die opofferinge van diegene wat hul lewe gegee het om ons land en sy mense te beskerm.
Deur Herdenkingsdag te vier, spreek ons ons dankbaarheid, respek en erkenning uit vir die toewyding en moed van ons gevalle helde. Die rooi papawerblom, wat deur ons leiers gedra is, simboliseer nie net herinnering nie. Dit dien ook as ’n visuele teken van die waardes van diensbaarheid, opoffering en lojaliteit. Dit is waardes wat vandag nog steeds diep relevant is.
Hierdie oomblik was ‘n stil en betekenisvolle oomblik van eerbied en refleksie.
Lees meer skolenuus hier: https://schoolsthatrock.co.za/
Foto verskaf
Become a Sponsor
