schoolsthatrock
Graad 12 Uitslae 2025 – Hoërskool Hoopstad se Graad 12-klas van 2025 het met puik uitslae die jaar afgesluit. Negentien matrikulante het die Nasionale Seniorsertifikaat eksamen afgelê. Hulle het ‘n slaagsyfer van 100% behaal wat al 40 jaar staande is.
Hoërskool Hoopstad se harte loop oor van dankbaarheid. Met God se genade en harde werk het elke leerder geslaag.
Hoogtepunte van die 2025 Uitslae:
- 100% slaagsyfer én 100% Bachelors-toelating – ’n uitsonderlike prestasie!
- Klasgemiddeld van 65.43%
- 14 vakonderskeidings behaal deur ster-leerders
- 4 leerders slaag met ’n gemiddelde B-simbool
- 9 leerders slaag met ’n gemiddelde C-simbool
- 6 leerders slaag met ’n gemiddelde D-simbool
Vakonderskeidings – Graad 12 uitslae van 2025
| Leerling | Aantal Onderskeidings | Vakke waarin onderskeidings behaal is |
|---|---|---|
| AJ Brink | 5 | Afrikaans, Engels, LO, Landbou Tegnologie, RTT |
| Nadiné Jacobs | 3 | LO, Rekeningkunde, Lewenswetenskap |
| Will Viljoen | 2 | LO, RTT |
| Wian Conradie | 1 | RTT |
| MJ Hatem | 1 | Wiskundige Geletterdheid |
| Alana Steyn | 1 | LO |
| Mia Vorster | 1 | LO |
Dank aan Wenspan
Hoopies eer elke leerder en hul ouers vir die harde werk en opoffering. Hulle is ongelooflik trots op hulle! ’n Spesiale dank aan die toegewyde onderwysers – julle is die dryfkrag agter hierdie sukses. Julle bly ’n Wenspan wat elke jaar die verskil maak.
Toekoms vol Hoop
Aan elke matrikulant van 2025 – mag julle lewenspad geseënd wees met geleenthede, groei en vervulling. Hoërskool Hoopstad sal altyd jul tuiste bly.
Meer skolenuus: https://schoolsthatrock.co.za/
Foto’s voorsien
Become a Sponsor
