schoolsthatrock2019 se voorblad vir die Spoiings
Die Spoiings is ’n trotse bundel van Hoërskool Ermelo wat jaarliks bekendgestel word. Die unieke bundel bevat EHS-leerders se uitstaande skryfstukke en, sover bekend, is Hoërskool Ermelo die enigste skool wat aan leerders hierdie unieke geleentheid bied om hul spog-skryfstukke ten toon te stel.
Die voorblad en die voorwoord vul mekaar perfek aan: Die silhoeët as geheel kan gesien word as die bolyf van ’n mens met ’n Errie as die hart van die beeld. Wanneer van nader bekyk, kan ’n mens sien dat die silhoeët uit drie gesigte bestaan wat elkeen in ’n ander rigting kyk. Dit beeld die keuses uit wat ons as individue kan maak. Die gesigte is gevorm uit verskillende vertakkings wat daarop dui dat jy baie kanse en geleenthede gaan kry wat jy moet aanpak en wat jou gaan vorm. Die Errie wat as die hart van die geheelbeeld uitgebeeld word, is die belangrikste figuur. Dit maak nie saak watter pad jy kies of watter uitdaging jy aanpak nie, solank jy terugkeer na jou wortels, sal alles ten goede uitwerk. Jy sal deur elke vertakking in die lewe kom, omdat die krag van elke situasie vanaf die wortels kom: die Erries het jou opgevoed!
Groot dank en waardering aan Baruch Büchling vir die teken van die voorblad en Leandri Beyer vir die skryf van die voorwoord, asook mnr. Herman Labuschagne wat die voortou geneem het met dié uitgawe. Dit is ’n besonderse Spoiings. EHS bedank elke onderwyser wat die liefde vir skryf by die Erries kweek: julle is ’n span duisend!
Become a Sponsor
