schoolsthatrock
Vlnr: Zanéke Ludick, Simoné Beyer, Johan Strauss en Otto van Schalkwyk.
Sewentien van Hoërskool Ermelo se leerders het op Dinsdag, 20 Augustus, aan die ATKV-Spelathon deelgeneem te Hoërskool Generaal Hertzog.
In die junior afdeling het die Erries gewys hoe daar gespel moet word met drie Erries in die top tien. Uit die oorblywende vyf leerders was daar nóg twee Erries wat uitstekend presteer het. Zanéke Ludick behaal ’n sewende plek, Johan Strauss ’n vierde plek en Otto van Schalkwyk kwalifiseer met sy derde plek om op 11 Oktober aan die ATKV se nasionale Spelathon-byeenkoms te gaan deelneem in Bloemfontein.
In die Senior afdeling was daar ’n massa-deelname van 40 deelnemers. Binne ‘n oogwink was daar net 20 spellers oor met vyf Errie-verteenwoordigers. Elizia van Heerden, André Strauss en Annia Boshoff val in dieselfde rondte uit en behaal ‘n gesamentlike veertiende plek. Yané Broekman val twee rondtes later uit en behaal ‘n elfde plek. Simoné Beyer byt vas in die top 10 en val in die sesde rondte uit wat aan haar ‘n sesde plek besorg.
Dankie aan al die Erries wat EHS se naam hoog gehou het by die ATKV-Spelathon. EHS is trots op elkeen van julle. Baie geluk aan elkeen wat ‘n plek behaal het en sterkte aan Otto van Schalkwyk met die nasionale byeenkoms wat voorlê.
Become a Sponsor
