schoolsthatrock
Departementele Wetenskap Vasvra. 🎉Slimkoppe van Hoërskool Driehoek skitter in Wetenskap Vasvra!
Hoërskool Driehoek in Vanderbijlpark is in rep en roer van trots! Drie briljante graad 9-leerders – Mareli Jacobs, Veronique Ribeiro en Theoaan Kennedy – het onlangs hul wetenskaplike vernuf ten toon gestel. Hulle het die kompetisie behoorlik aan die brand gesit.
Op 29 Julie het die trio aan die Departementele Wetenskap Vasvra se Cluster-rondte deelgeneem en met ’n indrukwekkende eerste plek weggestap. Maar hulle het nie daar gestop nie! Op 9 September het hulle weer hul breinkrag bewys in die Distriks-rondte – en weereens as kampioene geëindig!
Nou wag die groot uitdaging: die Provinsiale Rondte op 18 Oktober in Johannesburg, waar hulle saam met Hoërskool Suiderlig die Sedibeng-distrik gaan verteenwoordig. Ons weet dat hulle met dieselfde vasberadenheid, passie en toewyding Driehoek se naam hoog sal hou.
🌟 Mareli, Veronique en Theoaan – julle is ware inspirasie! Die hele Hoekie-familie hou duim vas en glo dat julle ook op die provinsiale verhoog sal skitter. Sterkte, kampioene!
Lees meer skolenuus hier: https://schoolsthatrock.co.za/
https://www.facebook.com/@HSDriehoek/
Foto verskaf
Become a Sponsor
