schoolsthatrock
ATKV-Tjokkertoneel finaliste bekend. Elke jaar laat die ATKV se toneelaanbod die samelewing nuut asemhaal. Dit is ’n magnetiese platform waar jong stemme, vars stories en kreatiewe energie saamvloei in ’n magneetveld van verbeelding en talent. Van 6 tot 11 Oktober word die Pam Golding Baxter-teater in Rondebosch, Kaapstad, die tuiste van ’n kunservaring wat drie geliefde ATKV-projekte verenig: ATKV-Sêr, ATKV-Tienertoneel en ATKV-Tjokkertoneel.
Die nasionale finaal is ’n kunsmagnetisme wat ruimte skep vir nuwe ontmoetings tussen mense, idees en drome. Hier word almal genooi om saam te belê in die toekoms van ons land en sy mense.
🌟 ATKV-Tjokkertoneel, die vinnigste groeiende segment van die ATKV se toneelaanbod, bied slim en opwindende mini-tonele van 25 minute. Laerskoolkinders ontdek hier die mag van storie, taal en visuele uitbeelding. Selfvertroue, kommunikasievaardighede en verbeeldingsvermoë word op speelse en magnetiese wyse ontwikkel.
Na vier streeksfeeste regoor Suid-Afrika – Durban, Pretoria, Bloemfontein en Kaapstad – met meer as 1 200 tjokkerdeelnemers en 67 produksies, is die top-6 tjokkerproduksies nou gekies vir die nasionale finaal. Hierdie finaliste tree op Vrydag 10 Oktober op, met die prysuitdeling wat volg op Saterdag 11 Oktober.
🏆 Die top-6 tjokkerproduksies is:
- Die dag toe Willie Wepener skoolhoof geword het – Laerskool Durbanville
- Kassandra en die Bendehuis – Laerskool Roodekrans
- OP DIE SPEL – Laerskool Gene Louw
- Potloodsakkie – agter die zip – Laerskool Durbanville
- Romeo en Juliet met tamatiesous – Laerskool Tygerpoort
- sjuut! – Laerskool De Hoop
Kaartjies vir hierdie magnetiese teaterweek is vanaf Woensdag 10 September beskikbaar by Webtickets.
Lees meer skolenuus hier: https://schoolsthatrock.co.za/
https://atkv.org.za/neem-deel/kultuurprojekte/tjokkertoneel/
Foto verskaf
Become a Sponsor
