schoolsthatrock
ATKV-Debat Landsfinaal. 🎉 Hoërskool Witteberg skitter by ATKV-Debat Landsfinaal 2025! 🏆
Op 4 Augustus het die ATKV-Debat Landsfinaal by Goudini Spa in Worcester plaasgevind. Hoërskool Witteberg van Bethlehem het met uitmuntende debatvoering die nasionale verhoog betree. Die junior debatspan het die kompetisie oorheers en as algehele wenners gekroon – nommer 1 in Suid-Afrika! Hierdie prestasie is ’n bewys van hul toewyding, kritiese denke en uitstekende spanwerk.
🌟 Individuele toekenning: Gerhard Nel het die beoordelaars beïndruk met sy taalvaardigheid en is bekroon vir beste taalgebruik – ’n uitsonderlike eer wat sy vermoë as spreker onderstreep.
Senior debatspan: Hoewel Witteberg se senior span nie die Top 3 gehaal het nie, het hulle ’n oortuigende wen-debat teen die Affies-seuns gevoer en hul debatvaardighede met styl en insig ten toon gestel. Hul deelname het die hoë standaard van debatvoering by Witteberg bevestig.
Hierdie uitsonderlike prestasie plaas Hoërskool Witteberg stewig op die nasionale debatkaart. “Ons is ongelooflik trots en dankbaar vir ons leerders se harde werk, deursettingsvermoë en passie vir die kuns van argumentasie.”
“Baie geluk aan al ons deelnemers – julle maak Witteberg baie trots!”
Lees meer skolenuus hier: https://schoolsthatrock.co.za/
Foto’s verskaf
Become a Sponsor
