schoolsthatrock
All Ages Telkom Netbal. Volkies Skitter op Nasionale Netbalverhoog!
Hoër Volkskool Heidelberg is ongelooflik trots op twee van hul ster-netbalspelers, Emma Barnard en Lunel Greyling. Hulle het onlangs aan die o.16 All Ages Telkom Netbalreeks deelgeneem. Die reeks staan ook bekend as die Nasionale Netbaltoernooi. Hierdie toernooi bring die beste van die beste bymekaar, waar provinsiale spanne van regoor Suid-Afrika meeding vir die kroon van nasionale kampioen.
Elke provinsie stel drie spanne saam uit hul top spelers. Dit is ’n besondere eer om gekies te word. Emma het Gauteng Delta verteenwoordig, terwyl Lunel vir Gauteng Lambda gespeel het.
Gauteng Delta het as wenners van die toernooi uit die stryd getree, en Gauteng Lambda het ’n puik derde plek behaal.
Gauteng se spanne het weereens hul oorheersing op die netbalbaan bewys. Volkies is ongelooflik trots dat twee van hul eie spelers deel was van hierdie suksesverhaal. Baie geluk, Emma en Lunel! Julle harde werk, talent en toewyding is ’n inspirasie vir Hoër Volkskool Heidelberg.
Maar die aksie is nog nie verby nie! Volgende week is dit die seniors se beurt om hul staal te wys in dieselfde toernooi. Die skool hou duimvas vir die Volkies wat Gauteng se senior spanne gaan versterk:
- Karin Venter
- Suné Barnard
- Leila de Beer
- Arné van Tonder
“Sterkte, dames! Julle dra nie net julle provinsie se kleure nie, maar ook Volkies se trots. Ons weet julle gaan uitblink!”
Lees meer skolenuus hier: https://schoolsthatrock.co.za/
Foto’s verskaf
Become a Sponsor
