Atletiek. Op Vrydag, 19 Januarie, het Primêre Meisieskool Oranje se Atletiek by Pelliespark voortgegaan.

Oranje se Pre-Primêr het ook die oggend die atletiek bygewoon en die graad R-leerders het te pragtig gehardloop. Die ouers was net so opgewonde soos hulle kinders. Die ouers kon nie wag om hul klein Eendjies te vang terwyl hul oor die wenstreep hardloop.

Oranje is uiters trots op elke dogter wat die vrymoedigheid gehad het om deel te neem aan die atletiekdag. In besonders wil Oranje elke dogter wat ‘n eerste, tweede en derde plek behaal het, geluk wens.

Daar was vanjaar ook twee Oranje-rekords by die atletiek gebreek:

Carla Ferreira verbeter die gewigstoot rekord vir dogters o. 11. Die huidige rekord is in 2020 aangeteken deur Lizé-Marie Kruger en dit was 8.33m. Carla verbeter die rekord na 8.90m.
Mia Hasswell verbeter die diskus rekord vir dogters o. 12. Die huidige rekord was in 2019 aangeteken deur Nea Gunter en dit was 20.41. Mia verbeter die rekord na 21.35m.

Die volgende dogters het gekwalifiseer om aan die Kampioen van Kampioene atletiek byeenkoms deel te neem en die top 3 prestasies is as volg:

1ste – Mienje Momberg (o. 13)

2de – Kaylin Hanekom (o. 12)

3de – Almy Wessels (o. 11)