schoolsthatrockDis nie elke dag dat ‘n 0/13 rugbyspeler van die platteland die geleentheid kry om op die groen gras van die Toyota Vrystaat Stadion uit te draf nie.
Hierdie geleentheid het Saterdag, 26 Julie, realiteit vir Laerskool Aliwal-Noord se Vrystaat Platteland rugbyspelers geword. Hulle het te staan gekom teen die Bloemfontein Barbarians, ‘n goed afgeronde span, wat privaat saamgestel word uit verskeie skole in Bloemfontein. Die wedstryd is gereël met die doelstelling om rugby in die platteland te bevorder en as deel van die bemarking van die Toyota Vrystaat Stadion en die Toyota Cheetahs.
Daar word beoog om dit ‘n jaarlikse instelling te maak. Alhoewel die uitslag nie in Vrystaat Platteland se guns was nie, was dit ‘n wonderlike geleentheid wat die seuns te beurt geval het.
Die dag is afgesluit deur die Curriebeker wedstryd tussen die Toyota Vrystaat Cheetahs en die Tafel Lager Griekwas.
Become a Sponsor
