schoolsthatrock
Telkom Netball League – Hoërskool Fichardtpark se afrigter van die o.14A netbalspan is Xandri Fourie. Sy het deelgeneem aan die Telkom Netball League. Tydens die kragmeting tussen Free State Crinums en die Flames is sy as Speler van die wedstryd aangewys. Die kragmeting het plaasgevind op 27 Mei in Johannesburg.
Xandri, speel as GA (Goal Attack) vir die Crinums. Met haar uitstekende spel en vasberadenheid het sy die toekenning verower en ’n prys van R2000 ontvang. Hierdie prestasie wys nie net haar talent op die baan nie, maar ook haar toewyding as afrigter en rolmodel vir die jong spelers.
Fichies is ongelooflik trots om ’n afrigter van haar kaliber in hul gemeenskap te hê. Haar passie vir die spel en vermoë om ander te inspireer maak van haar ’n ware voorbeeld van wat dit beteken om met trots en deursettingsvermoë te speel.
Meer Skolenuus: https://schoolsthatrock.co.za/
Foto voorsien
Become a Sponsor
