schoolsthatrock
Synergy Cup Tennis. Baie geluk aan Lance Kriek en Linzi Botha! Die twee talentvolle jong tennisspelers het die afgelope naweek die Vrystaat se o.13-span by die Synergy Cup Tennis in Bloemfontein verteenwoordig. Met hul toewyding, spanwerk en deursettingsvermoë het hulle saam met hul span die toernooi as wenners afgesluit.
Die Synergy Cup bring van die beste jong spelers uit verskillende provinsies bymekaar, wat dit ’n hoogs mededingende en gesogte geleentheid maak. Dat die Vrystaat 0/13-span die trofee kon lig, is ’n bewys van hul harde werk en uitstekende afrigting.
Lance en Linzi se prestasie dra nie net by tot hul eie sportloopbane nie, maar dien ook as ’n inspirasie vir hul skool en gemeenskap. Hulle wys dat toewyding en passie vir sport groot vrugte afwerp.
Truidjies is trots op julle – julle is ware ambassadeurs van die Vrystaat!
Lees meer skolenuus hier: https://schoolsthatrock.co.za/
Foto verskaf
Become a Sponsor
