schoolsthatrock
Curro Podium-byeenkoms – Hoër Meisieskool Oranje het die naweek weer gewys hoekom hulle as een van die land se topatletiekskole gereken word. By die Curro Podium-byeenkoms in Pretoria, waar die meeste van Suid-Afrika se sterkste skole meegeding het, het Oranje ’n puik 10de plek uit 40 skole behaal.
Die Oranje-atlete het nie net medaljes ingepalm nie, maar ook rekords laat spat. Karla Kock is aangewys as die beste senior veldatleet van die byeenkoms – ’n titel wat haar veelsydigheid en krag bevestig.
Medalje Wenners:
- Rumé Burger het die 100 m gewen in ’n byeenkomsrekordtyd van 11.49 sekondes en verdien goud.
- Karla Kock het in diskus geseëvier met ‘n goue medalje
- Danyelle Pienaar het die 400 m-hekkies gewen en ‘n goue medalje verdien.
- Die o.19 sweedse aflosspan het goud verower.
Ander podiumplekke
- Karla Kock het ook silwer in die gewigstoot gewen.
- Danyelle Pienaar het brons in die 400 m ingepalm.
- Die o.15 sweedse aflosspan het brons gewen.
Die Oranje-span het ook hul merk gemaak in die Simbine Classic Shootout, wat deel van die byeenkoms was. Rumé Burger het tweede geëindig in die 300 m vir vroue, terwyl Charné Wansbury (matriek 2023) die 150 m gewen het.
Oranje se prestasies wys dat die skool nie net ’n trotse tradisie van atletiek het nie, maar ook ’n blink toekoms het.
Meer skolenuus: https://schoolsthatrock.co.za/
Foto voorsien
Become a Sponsor
