PE Hoërskole-atletiekbyeenkoms - Hoërskool Framesby blink uit

PE Hoërskole-atletiekbyeenkoms. Hoërskool Framesby het tydens die PE Hoërskole-atletiekbyeenkoms, wat op 6 en 7 Februarie 2026 by die Nelson Mandela Universiteit plaasgevind het, uitstekende prestasies gelewer. ’n Sterk groep van 160 Framesby-atlete het aan die byeenkoms deelgeneem en gesamentlik 121 podiumplekke (top 3) verower.

Van hierdie atlete het 107 deurgedring na die Metro Hoërskole-kampioenskappe, wat op Saterdag 28 Februarie 2026 aangebied word.

Die byeenkoms was merkwaardig met 10 nuwe rekords, waarvan 7 deur Framesby-atlete opgestel is – ’n bewys van die skool se krag en talent op die baan en veld. Ons spreek ’n hartlike gelukwensing uit aan al die atlete wat nuwe byeenkomsrekords gevestig het.

Byeenkomsrekords behaal deur Framesby-atlete:

Lincoln Kunneke: Seuns o.17 hamergooi: vorige rekord: 62,98m – nuwe rekord: 71,33m
Dieter Voigt: Seuns o.17 400m hekkies: vorige rekord: 56,9s – nuwe rekord: 54,26s
Tamlyn Heyman: Dogters o.16 hamergooi: vorige rekord: 32,65m – nuwe rekord: 43,22m
Wieneke Voigt: Dogter o.15 verspring: vorige rekord: 5,07m – nuwe rekord: 5,09m. Driesprong: vorige rekord: 9,43m – nuwe rekord: 10,61m
Lea May de Beer: Dogters o.15 Spiesgooi: vorige rekord: 34.34m – nuwe rekord: 38.34m

Volgens die reëls dring die top 5-atlete in elke item deur na die Metro-kampioenskappe. Die volledige program en inskrywings sal binnekort op die atletiekgroep gedeel word.

Framesby is trots op elke deelnemer en sien uit na nog hoogtepunte by die komende Metro Hoërskole-kampioenskappe.