schoolsthatrock
ITF J30 Tennistoernooi. Die afgelope week het vier Bloemhoffers aan die tweede ITF J30 Tennistoernooi in Stellenbosch deelgeneem en die skool se naam met trots hoog gehou.
- Lisa Jonker (gr. 8) en haar ouer suster, Ella (gr. 9), het albei hul eerste rondte enkelswedstryde gewen. In die ronde van 16 moes hulle egter die knie buig teen meer ervare internasionale spelers.
- Charlotte Bouwer (gr. 9) het ’n uitstekende toernooi beleef. Sy het die kwarteindrondte van die enkels gehaal waar sy teen Stagni van Italië verloor. Charlotte en haar dubbelsmaat, Jenna Theron van Rhenish, het egter weer glansryk seëvier en is as dubbelskampioene gekroon.
- Milla Kotze (gr. 11) het die toernooi met ’n hoogtepunt afgesluit deur as enkelskampioen uit die stryd te tree. In ’n marathonfinaal het sy 6-2, 4-6, 7-5 teen Ceressa Jackson van Australië gewen. Milla het ook die dubbelsfinaal gehaal waar sy en haar spanmaat ’n pragtige tweede plek behaal het.
🌟 ’n Fantastiese week vir Bloemhof-tennis – met sterk vertonings, waardevolle ervaring en ’n kampioenstitel wat die skool se trots bevestig.
Lees meer opeindende skolenuus hier: https://schoolsthatrock.co.za
Become a Sponsor
