schoolsthatrock
Nuwe Afrigters vir Netbalspan. Hoër Meisieskool Oranje het nuwe afrigters vir die eerste netbalspan aangewys. Die twee bekende name wat aangewys is, om die o.19A-netbalspan te lei is Me. Ané Rautenbach en Me. Maryka Holtzhausen. Die afrigting sal in ’n gesamentlike kapasiteit geskied, met albei wat as gelyke spanleiers optree.
Me. Rautenbach, wat wetenskap by die skool onderrig, het reeds bewys dat sy jong talent kan ontwikkel. Haar o.14A-span het vanjaar ’n vierde plek op die Suid-Afrikaanse kampioenskappe behaal, terwyl haar o.17A-span in 2023 sewende geëindig het. Voor haar tyd by Oranje het sy die eerstespan van Hoërskool Lydenburg afgerig.
Me. Holtzhausen, tans ’n senior bestuurder by KovsieSport, is geen vreemdeling vir Oranje se netbal nie. Sy het reeds in 2016 en 2017 die o.19A-span afgerig en was vanjaar as hulpafrigter betrokke. Met 116 toetsverskynings as voormalige Protea-kaptein, bring sy ’n rykdom aan ervaring. Sy het ook Eunice se eerstespan afgerig en was deel van die afrigtingspan by die Kovsies.
Die twee afrigters deel ’n gemeenskaplike visie: “Ons sien uit na die pad vorentoe. Ons droom van ’n spanomgewing waar elke speler veilig en waardevol voel, en waar ons saam streef na doelwitte wat ons inspireer én uitdaag.”
Meer skolenuus: https://schoolsthatrock.co.za/
Foto voorsien
Become a Sponsor
