schoolsthatrock
Fairmont Top 15-Atletiek. Hoërskool Gimnasium Paarl se skitterende atletiekspan het die naweek hul merkwaardige talent ten toon gestel deur as algehele wenners uit die Fairmont Top 15-byeenkoms te tree. Die B-span het ook puik gevaar en onder die top 10 geëindig – ’n uitsonderlike prestasie te midde van 105 deelnemende spanne van regoor die land.
🌟 Jeandré Treurnich het die kollig gesteel toe hy as Beste Veldatleet aangewys is. Met ’n indrukwekkende 989 APE-punte in die Seuns o.15 gewigstoot en ’n afstand van 18.38 meter, het hy ware krag en tegniek gedemonstreer.
Maar Jeandré was nie alleen nie – nie minder nie as 39 atlete van Gimnasium Paarl het prestasies van meer as 850 APE-punte behaal. Hier is ’n paar van die sterpresteerders:
| Atleet | Item | Punte |
|---|---|---|
| Jeandré Treurnicht | S. o. 15 Gewigstoot | 989 |
| Tyron Oncke | S. o. 14 Diskusgooi | 954 |
| Imke Roux | D. o. 14 90 m Hekkies | 943 |
| Duren Baron | S. o. 14 100 m Hekkies | 925 |
| Chloe Julius | D. o. 14 Verspring | 892 |
| Lanwerd Alberts | S. o. 14 Verspring | 887 |
| Lisa Besterfield | D. o. 14 100 m | 886 |
| Elisma van Wyk | D. o. 17 400 m | 881 |
| Armand du Toit | S. o. 17 Diskusgooi | 871 |
| Jayden Steyl | S. o. 17 Gewigstoot | 865 |
| Mila Parker | D. o. 15 200 m | 864 |
| Sumay van Wyk | D. o. 15 400 m | 860 |
| Caleb Welsh | S. o. 14 100 m Hekkies | 855 |
🎉 ’n Hartlike dankie en gelukwensing aan elke atleet wat deelgeneem het – julle het nie net medaljes gewen nie, maar ook harte gesteel met jul toewyding en sportmanskap. Hoërskool Gimnasium Paarl is trots op julle!
Become a Sponsor
