schoolsthatrock
SA Junior Skermkampioenskappe. Hoërskool Linden vier ’n kampioen!
Hoërskool Linden spog vandag met die uitsonderlike prestasie van Callista Wood (Graad 10)! 🤺
Callista het die afgelope Saterdag in Durban aan die SA Junior Skermkampioenskappe deelgeneem. Sy het goud verower in die Junior o.20-afdeling vir Vroue Sabel. Daarmee het Callista die titel as Junior Suid-Afrikaanse Kampioen ingepalm!
Met hierdie merkwaardige prestasie het sy waardevolle rangleerpunte verwerf wat haar tans in die nommer 1-posisie op die nasionale ranglys plaas.
In Desember gaan Callista deelneem aan ’n Nasionale Ope ranglys-kompetisie in Kaapstad. Hierdie is haar laaste kans om te kwalifiseer vir die SA-span wat in Februarie 2026 aan die Kadet/Junior Afrika Kampioenskappe in Dakar, Senegal gaan deelneem.
Callista skerm by Iksafa Skermklub in Sandringham (Johannesburg), waar sy onder leiding van Olimpiese skermafrigter Christo Kriel hard werk om haar doelwit te bereik.
Baie geluk, Callista – Hoërskool Linden is ongelooflik trots op jou! 🎉
Lees meer skolenuus hier: https://schoolsthatrock.co.za/
Foto verskaf
Become a Sponsor
