TBM Fast 5 Netbaltoernooi - Hoërskool Witteberg blink uit

TBM Fast 5 Netbaltoernooi. Hoërskool Witteberg in Bethlehem het Saterdag, 13 September, ’n merkwaardige prestasie gelewer tydens die Thabo Mofutsanyana Fast 5-uitspele. Die uitspele is op Witteberg se gronde aangebied. Die skool het drie spanne ingeskryf — o/15A, o/15B en o/17. Elke span het hul staal gewys teen mededingers van regoor die streek.

✨ Dubbel oorwinning vir o/15-spanne. Beide die o/15A- en o/15B-spanne het hul onderskeie poele onoorwonne afgesluit. Hulle het ook in die semi-finale hul teenstanders oortuigend geklop. Die o/15A-span het BVHS gewen en in ’n unieke eindstryd het die twee Witteberg-spanne mekaar die stryd aangesê. Die A-span het uiteindelik met ’n telling van 22–13 geseëvier. Dit het aan Witteberg die eerste én tweede plek in dié ouderdomsgroep besorg. Hierdie prestasie is ’n uitsonderlik en ditonderstreep die skool se diepte en talent.

Witteberg se o/17-span het karakter en veggee getoon. Die o/17-span het hul poelwedstryde met selfvertroue en vaardigheid deurstaan en het in die semifinaal teen Hoërskool Reitz getriomfeer. In ’n bloedstollende eindstryd teen BVHS het hulle met slegs twee punte verskil (20–22) vasgeval. Dit is ook ’n bewys van hul vasberadenheid en hoë spelpeil.

Op pad na die Vrystaatse uitkloprondte: Met al drie spanne wat deurdring na die Vrystaatse uitkloprondte op 27 September, is Hoërskool Witteberg goed geposisioneer om hul sukses voort te sit op provinsiale vlak.

👏 Baie geluk aan al die spelers en afrigters! Julle toewyding, spanwerk en sportmanskap maak Witteberg ongelooflik trots. Hou so aan, Witteberg — die toekoms van netbal lyk blink!