Praktiese Landbou-ervaring. Hoërskool Witteberg, Bethlehem, se graad 10 Landboubestuurspraktyk-leerders het waardevolle praktiese landbou-ervaring en blootstelling ontvang tydens ’n besoek aan Sandvlei, met gasheer mnr. Jan Scheepers en sy span.

Mnr. André Olivier van High Fert Kunsmis het die belangrikheid van verskillende kultivars en noodsaaklike voedingstowwe verduidelik, en dit met ’n praktiese demonstrasie aangevul. Mnr. Arno Boshoff van Bayer en mnr. Rikus de Villiers van Pioneer het insig gedeel oor verskillende kultivars en die faktore wat keuses beïnvloed.

Verder het mnr. Marnus Maree en mnr. Jandré van der Walt van Nu-Pro die leerders bekendgestel aan die oesproses, moderne landboutoerusting en die bemarking en uitvoer van mielies.