SA Nasionale Skole Netbalkampioenskap. 🏐 Oranje se o.13A-netbalspan blink uit op nasionale vlak!

Primêre Meisieskool Oranje se o.13A-netbalspan het 25 en 26 Julie aan die SA Nasionale Skole Netbalkampioenskap in Pietersburg deelgeneem. Die span het met glans presteer — hulle is amptelik 8ste in Suid-Afrika!

Die span het merkwaardige wedstryde gespeel:

Wen teen Oranje Noord (9–6)
Verloor teen Chelsea (3–7)
Wen teen Iguguletho (14–4)
Wen teen Saxonsea (11–5)
Wen teen Zibkwane (18–3)

Na ‘n indrukwekkende vertoning op dag 1, eindig Oranje eerste in hulle poel en dring deur na die top 16-uitkloprondte:

Wen teen Glenwood (10–6)
Verloor teen Ribeeckstrand (6–10)
Verloor teen Fairland (4–10)
Verloor teen Vastrap (6–8)

Die dogters het met vasberadenheid en passie gespeel. Die kwaliteit van netbal was uitmuntend en baie wedstryde was bloedstollend spannend!

👏 Baie geluk aan elke speler wat haar hart uitgespeel het, en ’n groot dankie aan:

Mev. Natasja Geyer (afrigter)
Mev. Marida Myburgh (skeidsregter)
Mev. Chandriné Jones (spanbestuurder)
Juf. Adrie (skoolhoof) wat saam getoer het
En natuurlik, al die ouers wat hul dogters met soveel geesdrif langs die baan ondersteun het!

Om in die top 8 in die land te eindig is ‘n fenomenale prestasie. Bloemfontein is ongelooflik trots op elke Oranje-dogter asook die toegewyde juffrouens! 🐥