schoolsthatrock
Proscenium Drama Kompetisie. Jonge Michael Ruzvidzo styg tot nuwe hoogtes op die kunsteverhoog.
Die talentvolle Michael Ruzvidzo, leerder van Hoërskool Strand, het onlangs sy merk gemaak op die nasionale verhoog. Michael het deurgedring na die semi-finaal van die gesogte Proscenium Drama Kompetisie by die Artscape Teater. Met sy indrukwekkende voordrag van gedigte, ‘n monoloog, radiodrama en prosa, het hy gehore en beoordelaars beïndruk met sy veelsydigheid en passie vir die uitvoerende kunste.
Tydens die gala-prysuitdeling is aangekondig dat Michael een van slegs sewe leerders landswyd is wat gekies is om ‘n rol te vertolk in ‘n amptelike RSG-radiodrama. Dit is ‘n uitsonderlike prestasie wat sy toekoms as akteur in ‘n blink lig plaas. Maar dit is nie al nie. Michael hy is ook gekies vir ‘n rol in ‘n oorklankingsprojek. Hy is ook gekies as akteur in die openingsvertoning van die 2025 Woordfees. Hierdie produksie word reeds oorweeg vir optredes by die KKNK en Suidoosterfees. Dit is ‘n bewys van die gehalte en trefkrag van sy talent.
Michael se ster is besig om vinnig te verrys! Hoërskool Strand is trots om hierdie jong Arend se reis van naby te volg. Baie geluk, Michael — jy is ons eie Oscar-gehalte ster in wording!
Lees meer skolenuus hier: https://schoolsthatrock.co.za/
Foto verskaf
Become a Sponsor
