schoolsthatrockAmanda du Toit, Hoërskool Ermelo-matrikulant van 2017, en Dux-leerder vir 2017, is tydens die prysuitdeling wat deur Mpumalanga se onderwysdepartement aangebied is vir al Mpumalanga se toppresteerders in tale, as die beste graad 12-leerder vir Afrikaans Huistaal in Mpumalanga aangewys.
Amanda se uitslae van verlede jaar sluit sewe onderskeidings in en sy is tans besig met haar studies in B. Com Rekeningkunde te Universiteit van Pretoria.
“Dankie aan al die Erries se onderwyers, veral my Afrikaanse-onnies, wat my pad na hierdie prestasie help teer het. Ek verlang reeds terug na die skoolbanke, die prosa en die filmstudies,” sê Amanda met ‘n glimlag waaruit ‘n stukkie heimwee sluip. Haar gemiddeld vir Afrikaans Huistaal in 2017 is 90%.
Die prysuitdeling wat op 28 Februarie 2018 aangebied is, is gehou ter ondersteuning van Internasionale Moedertaal-dag wat jaarliks op 21 Februarie wêreldwyd gevier word. Dié dag is die eerste keer in 1999 gevier.
Amanda, baie geluk met hierdie wonderlike prestasie waarop die Erries uiters trots is.
Become a Sponsor
