schoolsthatrockOakdale 15-tal. Hanro Bezuidenhout van Hoërskool Strand is verkies tot die Oakdale 15-tal. Hy is gekies as die beste no. 6-flank van die toernooi. Met 34 skole by hierdie toernooi, waarvan daar ongeveer 102 flanke deelgeneem het, is dit ‘n wonderlike prestasie!
Die Oakdale-Mutual & Federal Agri Rugbyweek word reeds vir 37 agtereenvolgende jare aangebied en is seker die oudste en grootste hoërskole-rugbyweektoernooi in die land. Twee-en-dertig o.19 A-spanne van regoor die land woon die toernooi gedurende die Maart/April-skoolvakansie by. Tydens hierdie toernooi word spankeuses, kombinasies en spelpatrone uitgetoets voordat die onderskeie skole se ligawedstryde ʼn aanvang neem.
Die Oakdale-Rugbyweek is goed georganiseer, wedstryde bied uitstekende kompetisie en gasvryheid eie aan Oakdale-karakter. Verskeie Springbokke en provinsiale rugbyspelers het reeds tydens die bekende Oakdale-Rugbyweek die kuilvoerreuk van die plaas ingeasem.
Meer skolenuus: https://schoolsthatrock.co.za
Become a Sponsor
