schoolsthatrock
Koshuistradisie in die Byekorf – ‘n Nuwe koshuistradisie is by Merensky Landbou Akademie ingestel. Op Woensdag, 7 Mei 2026, het die nuwe koshuistradisie in die Byekorf van hul seunskoshuis se geskiedenis begin.
Die eerste amptelike nuwe koshuistradisie se “capping”-seremonie is in die Byekorf gehou. Dit was ’n aand waarop trots, lojaliteit en broederskap in elke seun se hart vasgelê is.
Die koshuispet is nie net ’n kledingstuk nie. Dit is ’n simbool van dissipline, samehorigheid en die unieke kultuur van die Colosseum. Ná hul eerste 100 dae in die koshuis het die graad 8-seuns met groot opgewondenheid hul pette ontvang. Dit is ’n teken dat hulle nou volwaardig deel van die koshuisfamilie is. Omdat 2026 die begin van hierdie tradisie is, het die graad 12’s ook hul pette ontvang, wat die seremonie ’n ekstra betekenisvolle oomblik gemaak het.
Die atmosfeer was gelaai met trots en kameraadskap. Elke pet wat op ’n seun se kop geplaas is, het ’n belofte verteenwoordig: om die waardes van Merensky se koshuis te dra en te leef. Hierdie nuwe tradisie is bestem om vir jare deel van die Colosseum-kultuur te wees en toekomstige geslagte seuns te herinner aan die krag van eenheid en die waarde van tradisie.
Meer Skolenuus: https://schoolsthatrock.co.za/
Foto’s voorsien
Become a Sponsor
