schoolsthatrockTwee van die afrigters by Hoërskool Strand, Leani van der Merwe en Michael Alexander, is verlede week genooi om as skeidsregters by die All Girls Festival in die Paarl op te tree.
Die All Girls Festival is ‘n geleentheid waar die meisiekole in Suid-Afrika in verskillende sportsoorte teen mekaar meeding. Vanjaar was daar 21 skole wat hokkie gespeel het – onder andere die meisieskole Eunice en Oranje van Bloemfontein, Collegiate van Port Elizabeth, Jeppe, St Michaels, Potchefstroom, Afrikaans Hoër Meisieskool, Claredon, Rustenburg en Wynberg uit die Westelike Provinsie – en dan natuurlik die meisieskole van die Boland: Bloemhof, Rhenish, La Rochelle en die Hoër Meisieskool, Paarl. Laasgenoemde twee skole was ook die gasheerskole van vanjaar se fees.
Michael Alexander was die skeidsregter vir die wedstryd wat die derde en vierde plek tussen Eunice en Oranje bepaal het. Leani van der Merwe het as skeidsregter vir die hoofwedstryd tussen Rhenish en Collegiate opgetree.
Hoërskool Strand is met reg trots op hierdie twee Arend-hokkie-afrigters.
Become a Sponsor
