[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_gallery admin_label=”Gallery” fullwidth=”off” orientation=”landscape” show_title_and_caption=”off” show_pagination=”on” background_layout=”light” auto=”off” hover_overlay_color=”rgba(255,255,255,0.9)” use_border_color=”off” border_color=”#ffffff” border_style=”solid” gallery_ids=”12502,12503,12504,12505,12506,12507,12509″ posts_number=”7″] [/et_pb_gallery][/et_pb_column][/et_pb_row][et_pb_row admin_label=”Row”][et_pb_column type=”4_4″][et_pb_text admin_label=”Text”]
Hoërskool Upington se 1ste rugbyspan het vanaf 1 April – 5 April aan die 38ste Oakdale-rugbyweek gaan deelneem. Daar was 30 skole van regoor die land, ondermeer Oakdale, Kempton Park, Windhoek Gimnasium, Welkom Gimnasium, Die Brandwag (Uitenhage) en vele meer. Die kos, verblyf en fasiliteite van Oakdale Landbou was van hoogstaande gehalte en dit het die rugbyweek net soveel meer genotvol gemaak. Die seuns het redelik klem gelê op die oneindigende aantal melk wat hul kon drink tydens hul etes, aangesien Oakdale Landbou hul eie Jersey koeie besit.
Hoërskool Upington was bevoorreg om die openingswedstryd van die toernooi om 08:45 op die A-veld te speel teen Hoërskool Strand. Een van die Uppies se spelers, Harry Nell, het nog daardie oggend om 07:30 in Riversdal aangekom vanaf die SA’s atletiek-byeenkoms om homself by die toergroep aan te sluit. Uppies het die eerste punte aangeteken met die Duvenhage-broers wat van mekaar af gespeel het en Nakkie Duvenhage die drie gedruk het. Nog ‘n drie is gedruk deur Janno Lategan, terwyl Iwan Lombard met die skopvoet gewerk het en met 2 doelskoppe en 1 strafskop geslaag het. Uppies wen die wedstryd 17 – 5.
Die Uppies het gesorg vir nog ‘n A-veld wedstryd op die 2de dag van die rugbyweek en hierdie keer teen Hoërskool Durbanville moes meeding. Ongelukkig moes die span sonder die dienste van hul kaptein, Nakkie Duvenhage, klaarkom weens ’n besering, maar hul het hul goed van hul taak gekwyt. Die Uppies het twee briljante drieë gedruk vanaf Harry Nell en Venter Scholtz, terwyl Iwan Lombard weereens sy skopvoet benut het met 2 strafskoppe en 1 doelskop. Die Uppies het gesorg vir ’n skouspelagtige wedstryd teen sterk kompetisie wat tot en met die 84ste minuut geduur het. Die eindtelling was ongelukkig in die guns van die teenstanders met 18 – 21.
Die 3de dag het gesorg vir nog harde teenstand vir die Uppies op die A-veld teen Hoërskool Hermanus. Die lywe van beide spanne se spelers was redelik gaar en seer, maar steeds het albei spanne vir trots gespeel. Die wedstryd teen Hermanus was ’n wipplank-wedstryd, omdat sodra die een span ’n drie druk dan druk die ander ook daarna. Uppies kry dit reg om 4 drieë in hierdie wedstryd aan te teken deur ondermeer Devan Walters 2, Jeandré Simon en Bobby Duvenhage. Die laaste drie van Uppies se toer is weereens deur die 2 Duvenhage-broers gedruk, deur weereens van mekaar af te speel. Hierdie keer was dit die jonger boetie, Bobby Duvenhage. Iwan Lombard slaag met 3 doelskoppe en 1 strafdoel om die wedstryd te eindig op 29 – 31 in die guns van Hermanus.
Op die 2 rus dae het die Uppies na Hartenbos en Stilbaai gereis om die dag saam met ons ondersteuners (ouers) deur te bring. Daar was gebraai, gesing en gees onder mekaar gebou. Ons innige dank gaan aan die ouers wat almal bygedra het tot die rusdae se kos, vermaak en samekoms. Daar was ook ’n Whatsapp-groep gestig vir die ouers wie ongelukkig nie kon saam toer nie om hul op hoogte te hou van alle verwikkellinge. Hulle het verseker uitstaande kommentatorskap van elke wedstryd ontvang.
Oakdale Landbou verkies ook elke jaar ’n 15-tal waarin hul erkenning gee aan spelers wat uitgestaan het in hul verskeie posisies. Jasper Wiese was in 2013 as beste 8ste-man gekies, terwyl sy broer, Cobus Wiese in 2014 en 2015 as beste 5-slot aangewys is. Jasper Wiese is tans by die Griffons betrokke, terwyl Cobus by die Stormers betrokke is. Tydens die 2017 aankondiging, is Nakkie Duvenhage aangewys as beste 8ste-man van die toernooi na slegs 1 wedstryd. Hoërskool Upington wil hom geluk wens hiermee en ons vertrou dat hy nog ’n blink toekoms in rugby sal beleef.
[/et_pb_text][/et_pb_column][/et_pb_row][/et_pb_section]
